ꀋꃋ,ꉢꊰꉆꈭꌠꍏꑷꊈꑼꉼꎁꃅꃀꀉꒉꈿꅉꏭꅇꄜꂿ
494Please respect copyright.PENANAuSTnoF9dNk
ꍏꇩꇭꍣꄈꊯꈬꃢꌠꇩꏤꑭꊂꁧꎁꃀꀉꒉꈿꌠꆹ,ꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛꊬꌠ、ꍏꇩꐛꐨꐧꋦꉪꏦꃅꋊꀊꏀꋎꌠꇬꃹꌠꀋꉬꀋꉆꊬꌠꇬꈿꌠꃀꀉꒉꀋꂿꑘꐯꀋꂿꑘꌠꑠꋍꃢꉬ
494Please respect copyright.PENANAUtvpvPBftu
ꃀꀉꒉꈿꌠꅇꀨꆏ:ꇬꂾꉪꐨꎺ,ꂿꃆꎺꈬꃅ,ꍏꇩꐛꐨꐧꋦꉪꏦꁈꁧꇰꀋꃀꌠꀊꂥꃅꐕꄉ,ꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛ,ꃅꋊꀊꏀꋎꌠꍏꇩꐛꐨꐧꋦꉪꏦꇰꀋꃀꃅꊋꐛꌠꇑꅜꄉ,ꍏꉸꊿꋅꇰꀋꃀꃅꀱꌄꆣꇁꌠꍏꇩꉪꐨꃅꇫꑟꌠꎁꃅꀋꆏꃅꉈꈽꌠ
494Please respect copyright.PENANAE9dQtl5MYo
ꇬꂾꉪꐨꎺꑲꆀ,ꌤꃅꌊꑞꅉꑟꄎ。ꍏꇩꇭꍣꄈꊿꃤꇬꂾꉪꐨꌋꆀꂿꃆꆹ,ꍏꇩꏓꂱꎁꃅꌒꐪꏂ,ꍏꉸꊿꋅꎁꃅꀱꌄꆣꇁꌠꏂꌠꉬ。ꇬꂾꉪꐨꌋꆀꃅꎁꋋꏢꆹꍏꇩꇭꍣꄈꊿꋌꇱꊡꀮꌊꀋꆏꃅꀒꁨꆹꌠꊇꅉꇙꊋꉬ。ꄈꑭꊂꐋꀨꆏꀋꎪꃅꐥꍂꃅꏓꂱꌋꆀꐯꇯꌗꋏꌗꈻ、ꐯꇯꐥ、ꉌꂵꐮꐊꄉ,ꐥꍂꃅꏓꂱꐥꐨꉾꃪꌠꏭꉪꌠꌌꉈꈽꌠꁻꌐꃅꄉ,ꆏꇁꀋꉆꌠꉌꊈꐛꐪꌋꆀꆸꆏꉈꀋꎞꌠꉈꈽꄟꌌꄉ,ꐪꊛꄉꍏꉸꊿꋅꇰꀋꃀꃅꀱꌄꆣꇁꌠꉻꒉꁻꌐꇬꉜꄉꀬꅑꃅꀒꁨꆹꌶ
494Please respect copyright.PENANANt0VaWsByi
ꀋꃋꋋꄮꇬ,ꇩꈐꇩꉈꃅꒊꃅꇁꇬꊎꃹꅼꌼꇪꃅꐛꐈꇰ,ꉪꇩꏤꀻꎆꌠꄡꇗꄐꇐꊜꋽꄮꀋꂿꑘꊬꌠꇬꃹꎍ,ꊫꂫꁤꇅꀕꐯꁤꇅꀕ,ꋓꎭꌠꑌꊜꊋꐯꊜꊋ。ꄈꑭꊂꐋꀨꆏꀋꎪꃅꂥꅂꎴꉜ、ꌒꑍꎭꉪ,ꀬꃅꄺꀱ、ꀬꃅꏀꀺ,ꐥꍂꃅꎹꑇꀋꐛ、ꐥꍂꃅꆏꇨꀋꎍꃅ,ꇩꏤꑭꊂꊿꋅꈁꐥꌠꏓꂱꋯꑌꏃꂠꌌꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛ,ꈏꇤꊋꇤꄉꃅꋊꀊꏀꋎꌠꍏꇩꐛꐨꐧꋦꉪꏦꇰꀋꃀꃅꊋꐛꌠꇑꅜꌶ
最後
謝謝大家
ns 172.70.178.13da2