Chū sè-hàn, A-hūi i ê bāng-sióng tō-sī siūⁿ-beh khì NASA thài-khong tiong-sim chham-koan. In-ūi hit-sî chiah tha̍k kok-hāu niâ. Siūⁿ-hoat koh chin tan-sûn.

I sim-lāi teh siūⁿ, cha-bó͘ gín-á kám-ū hoat-tō͘ chò thài-khong jîn? M̄-koh i khì bāng-lō͘ chhâ, koh chin-chiàⁿ ū cha-bó͘ ê thài-khong jîn--neh! I tùi ka-tī kóng, án-ne ū ǹg-bāng--ah!

Ū chi̍t kang, i kā A-bú kóng:”A-bú, góa chin kah-ì tha̍k kho-ha̍k ê chheh, só͘-í siūⁿ-beh bé chit-má siōng sî-kiâⁿ ê” Thài-khong ê lú-hêng ” ê chheh, kám ē-tàng? ”

A-bú kā kóng:”Lí chi̍t-ê gín-á bô kán-tan, ē siūⁿ-beh bé chit khóaⁿ chheh, hó, hō͘ lí la̍k-pah kho͘, chhun ê hō͘ lí chò só͘-hùi, hó bô? ”

A-hūi thiaⁿ-tio̍h in A–bú án-ne kóng, i chiok thiòng, kóng:”To-siā A-bú ê chi-chhî, góa ē kè-sio̍k phah-piàⁿ, hó-hó-á tha̍k-chheh, bōe hō͘ lí hoân-ló!! ”

A-bú tō kóng:”Khòaⁿ lí pō͘-pêng chiah-nī jīn-chin tha̍k-chheh, koh piáu-hiān liáu hó, koh ke bé kúi pún chheh mā OK--lah! ”

A-hūi chiok hoaⁿ-hí, tú-hó kin-á-ji̍t sī pài-la̍k, hioh-khùn ji̍t bô tāi-chì, kong-khò mā siá liáu--ah! Tiong-tàu khùn-chhéⁿ tō khì chheh-tiàm bé i siōng ài tha̍k ê kho-ha̍k chheh.

A-hūi kiâⁿ ji̍p-khì i siōng-ài ê hit keng chheh tiàm, khòaⁿ-tio̍h chin chhiúⁿ-chhī ê hit pún, kín the̍h--lo̍h-lâi, in-ūi chhun 2 pún niâ, thâu-ke kóng bē liáu siūⁿ hó, jî-chhiáⁿ bē liáu tō bô--ah!

A-hūi the̍h-tio̍h chheh, sûi khì kiat-siàu. I phah-sǹg àm-sî chia̍h-pá chiah lâi tha̍k! M̄-chai sī-án-chóaⁿ, i hiông-hiông thâu o͘-àm hîn, tńg-khì chhù--nih, tō sûi khì pâng-keng khún.

I kèng-jiân bāng-tio̍h i sī thài-khong jîn khì gōa-chheⁿ kiû mō͘-hiám!! I khòaⁿ-tio̍h Ba̍k-chhiⁿ kap Thô͘-chhiⁿ, múi chi̍t-ê chhiⁿ-kiû lóng súi tang-tang--neh!

I sim-lāi teh siūⁿ, kah chheh ê tô͘ lóng kâng-khoán!!

Chiok bô siūⁿ-beh chhéⁿ--khí-lâi, kiat-kó tō it-ti̍t khùn kah àm-mî, chiah khí-lâi chia̍h àm-tǹg, i the siūⁿ góa kài-sêng ū oân-sêng goān-bōng, sī tī bāng--nih oân-sêng--ê, khì gōa chin-kiû thàm-hiám.

A-hūi i tī kok-hāu kàu ko-tiong, chū-jiân ê kho-bo̍k lóng chin koân hun, i ê pē-bú lóng kám-kak chin kong-êng. Tōa-hàn liáu, sui-bóng bô khì chò thài-khong jîn, m̄-koh in-ūi chiap-chhiok Tâi-bûn, hō͘ I piàn-chò chi̍t-ê siá chū-jiân choan-lân ê chok-ka. Kóng--khí-lâi, che mā-sī Siōng-tè beh sàng i ê lé-bu̍t!

有個很喜歡設計的女孩

她為了她的夢想去追求

但是因為現實層面的關係

而不得不尋求另一個不一樣的工作

接下來就看這位女孩如何開啟她的尋夢之路

阿蓮為何會失蹤?伊是按怎無想欲轉去厝?阿爸kap阿母會按怎共教?

咱來看這篇精彩的台文小說-阿蓮失蹤記~~

描寫學生時期的故事對我的影響

阿美kap阿雪in兩人ê感情路會有啥物法展neh?

咱共看落去就無毋著!

傅先生筆下心敏和王靜的故事

我把它寫成番外篇的劇本